წესები და პირობები

1. ზოგადი დებულებები

1.1. წინამდებარე საიტით სარგებლობის წესები და პირობები (შემდგომში – „წესები“) არეგულირებს შპს „აი ჯი დეველოფმენტ ჯორჯიას“ (შემდგომში – „კომპანია“) ვებ-გვერდის, მასზე განთავსებული ინფორმაციისა და ხელმისაწვდომი ელექტრონული მომსახურებების გამოყენების პირობებს.

1.2. საიტის გამოყენებით მომხმარებელი ადასტურებს, რომ გაეცნო წინამდებარე წესებს, გაიაზრა მათი შინაარსი და ეთანხმება მათ.

1.3. თუ მომხმარებელი არ ეთანხმება წინამდებარე წესებს, იგი ვალდებულია შეწყვიტოს საიტის გამოყენება.

2. ტერმინთა განმარტება

2.1. წინამდებარე წესების მიზნებისთვის:

„საიტი“ –კომპანიის მიერ ადმინისტრირებული ვებ-გვერდი და მის ფუნქციონალი;

„მომხმარებელი“ –ნებისმიერ პირი, რომელიც იყენებს საიტს;

„ელექტრონული მომსახურება“ – საიტის საშუალებით ხელმისაწვდომი ნებისმიერ მომსახურება, მათ შორის, ონლაინ შეკვეთები, განაცხადები, ბარათებთან დაკავშირებული სერვისები და სხვა ფუნქციონალი;

„AI Chat“ – საიტზე ინტეგრირებული ხელოვნური ინტელექტის საფუძველზე მომუშავე საკომუნიკაციო ინსტრუმენტი.

„სავაჭრო ცენტრი“ - კომპანიის საკუთრებაში არსებული სავაჭრო ცენტრები „სითი მოლი საბურთალო“ და „სითი მოლი გლდანი“.

3. საიტის დანიშნულება და ფუნქციონალი

3.1. საიტი მომხმარებელს აძლევს შესაძლებლობას:

ა) მიიღოს ინფორმაცია სავაჭრო ცენტრის, მასში არსებული მაღაზიების, ბრენდების, შეთავაზებების, აქციებისა და ღონისძიებების შესახებ;

ბ) გამოიყენოს კომპანიის მიერ შემოთავაზებული ელექტრონული მომსახურებები;

გ) შეიძინოს ან შეუკვეთოს შესაბამისი ციფრული პროდუქტები და მომსახურებები, მათ შორის სასაჩუქრე და ლოიალური ბარათები, შესაბამისი პირობების გათვალისწინებით;

დ) გამოიყენოს AI Chat ინფორმაციის მისაღებად და კომუნიკაციის გასამარტივებლად.

3.2. კონკრეტულ ელექტრონულ მომსახურებებზე შესაძლოა ვრცელდებოდეს დამატებითი სპეციალური პირობები.

4. მომხმარებლის ვალდებულებები

4.1. მომხმარებელი ვალდებულია:

ა) გამოიყენოს საიტი მხოლოდ კანონიერი და კეთილსინდისიერი მიზნებისთვის;

ბ) უზრუნველყოს მის მიერ მიწოდებული ინფორმაციის სისწორე;

გ) არ განახორციელოს ისეთი ქმედება, რომელიც ზიანს მიაყენებს საიტის უსაფრთხოებას, ფუნქციონირებას ან მესამე პირთა უფლებებს

დ) დაიცვას ელექტრონული მომსახურების მისაღებად ამ მომსახურებისთვის გათვალისწინებული სპეციალური წესები.

4.2. მომხმარებელს ეკრძალება საქართველოს კანონმდებლობის, წინამდებარე წესებისა და პირობების, აგრეთვე მესამე პირთა უფლებებისა და კანონიერი ინტერესების დარღვევა, მათ შორის, თაღლითური, უკანონო, შეცდომაში შემყვანი ან სხვა მართლსაწინააღმდეგო ქმედებების განხორციელება, მათ შორის:

ა) საიტის ან მისი ნაწილის უკანონო კოპირება, გავრცელება ან კომერციული გამოყენება;

ბ) საიტის ტექნიკური სისტემების დაზიანება ან უსაფრთხოების მექანიზმების გვერდის ავლა;

გ) ავტომატიზებული საშუალებებით საიტიდან მონაცემების უკანონო დამუშავება, მათ შორის, შეგროვება, გადაცემა, შენახვა.

5. პერსონალური მონაცემები

5.1. საიტის გამოყენებისას მომხმარებლის მიერ მოწოდებული პერსონალური მონაცემების დამუშავება ხორციელდება კომპანიის კონფიდენციალურობის პოლიტიკისა და მოქმედი კანონმდებლობის შესაბამისად.

5.2. მომხმარებელი ვალდებულია, პერსონალური მონაცემების მიწოდებამდე გაეცნოს კომპანიის კონფიდენციალურობის პოლიტიკას, რომელიც განსაზღვრავს პერსონალური მონაცემების დამუშავების მიზნებს, სამართლებრივ საფუძვლებს, მონაცემთა მიმღებ პირებს, შენახვის პირობებსა და მომხმარებლის უფლებებს და რომელიც განთავსებულია საიტზე.

6. AI Chat-ის გამოყენება

6.1. AI Chat წარმოადგენს საინფორმაციო და კომუნიკაციის დამხმარე ინსტრუმენტს.

6.2. მომხმარებელი აცნობიერებს, რომ AI Chat-ის მიერ მოწოდებული პასუხები გენერირდება ავტომატური ტექნოლოგიის გამოყენებით და შესაძლოა საჭიროებდეს დამატებით გადამოწმებას.

6.3. AI Chat-ის პასუხები არ წარმოადგენს კომპანიის ოფიციალურ პოზიციას, იურიდიულ, ფინანსურ ან სხვა პროფესიულ კონსულტაციას.

6.4. მომხმარებელი ვალდებულია, კონკრეტულ საკითხთან დაკავშირებით მიმართოს კომპანიას AI Chat-ის მიერ მითითებული შესაბამისი საკონტაქტო არხის გამოყენებით. იმ შემთხვევაში, თუ მომხმარებელი საკუთარი შეხედულებით მოთხოვნას გააგზავნის AI Chat-ის მიერ შეთავაზებულისგან განსხვავებულ საკონტაქტო ელექტრონული ფოსტის მისამართზე ან სხვა საკომუნიკაციო არხზე, კომპანია არ აგებს პასუხს მოთხოვნის დაგვიანებით დამუშავებაზე, დაუმუშავებლობაზე ან პასუხის გაუცემლობაზე, თუ აღნიშნული გამოწვეულია მომხმარებლის მიერ არასწორი საკომუნიკაციო არხის არჩევით.

6.5. AI Chat-ის ფუნქციონალით სარგებლობის დაწყებამდე მომხმარებელი ვალდებულია გაეცნოს AI Chat-ის გამოყენების პირობებსა და კომპანიის კონფიდენციალურობის პოლიტიკას და შესაბამისი ელექტრონული ფორმით დაადასტუროს მათზე თანხმობა.

6.6. AI Chat-ის გამოყენების დაწყებით მომხმარებელი აცხადებს თანხმობას, რომ მისი მოთხოვნის დამუშავებისა და AI Chat-ის მომსახურების გაწევის მიზნით კომპანია და/ან კომპანიის მიერ უფლებამოსილი მესამე პირი (AI Chat-ის მომსახურების პროვაიდერი) დაამუშავებს მომხმარებლის მიერ AI Chat-ის მეშვეობით ნებაყოფლობით გაზიარებულ ინფორმაციასა და პერსონალურ მონაცემებს, კონფიდენციალურობის პოლიტიკის შესაბამისად.

6.7. AI Chat-ის გამოყენებისას პერსონალური მონაცემების დამუშავების პირობები განისაზღვრება კომპანიის კონფიდენციალურობის პოლიტიკით.

7. ინტელექტუალური საკუთრების უფლებები

7.1. საიტზე განთავსებული ყველა მასალა, მათ შორის ტექსტები, ფოტოები, ვიდეოები, დიზაინი, ლოგოები, სავაჭრო ნიშნები, პროგრამული ელემენტები და სხვა კონტენტი, წარმოადგენს კომპანიის ან შესაბამისი უფლებამოსილი პირების საკუთრებას ან კანონიერად გამოყენებულ ობიექტს.

7.2. მომხმარებელს ეკრძალება აღნიშნული მასალების გამოყენება კომპანიის წინასწარი წერილობითი თანხმობის გარეშე.

8. მესამე პირების მომსახურებები

8.1. საიტი შესაძლოა შეიცავდეს მესამე პირების მომსახურებებთან ან პლატფორმებთან ინტეგრაციას, მათ შორის, გადახდის სისტემებს, სასაჩუქრე და ლოიალური ბარათების შეძენასთან დაკავშირებულ მომსახურებებს, ან ტექნოლოგიურ მომსახურებებს.

8.2. მესამე პირების მომსახურებებზე შესაძლოა ვრცელდებოდეს სპეციალური წესები და პირობები.

8.3. კომპანია არ არის პასუხისმგებელი მესამე პირების მიერ გაწეულ მომსახურებებზე.

9. ელექტრონული მომსახურებები და გადახდები

9.1. საიტის საშუალებით განხორციელებული შეკვეთები, განაცხადები და გადახდები შესაძლოა განხორციელდეს მესამე პირის მომსახურების პროვაიდერების მეშვეობით.

9.2. მომხმარებელი პასუხისმგებელია მის მიერ მითითებული ინფორმაციის სისწორეზე.

9.3. კონკრეტული მომსახურების ღირებულება, შეძენის, გაუქმებისა და დაბრუნების პირობები შესაძლოა განისაზღვროს შესაბამისი სპეციალური პირობებით.

10. პასუხისმგებლობის შეზღუდვა

10.1. კომპანია იღებს გონივრულ ზომებს საიტის გამართული ფუნქციონირების უზრუნველსაყოფად, თუმცა არ იძლევა გარანტიას, რომ საიტი ყოველთვის იქნება უწყვეტად ხელმისაწვდომი ან იფუნქციონირებს მუდმივად შეუფერხებლად.

10.2. საიტზე განთავსებული ინფორმაცია მუდმივად განახლებადია. მომხმარებელი აცნობიერებს, რომ სავაჭრო ცენტრში წარმოდგენილი მაღაზიების, ბრენდების, ობიექტების, მათი ადგილმდებარეობის, სამუშაო საათების, შეთავაზებებისა და სხვა ინფორმაციის ცვლილება შესაძლოა დაუყოვნებლივ არ აისახოს საიტზე. აღნიშნულიდან გამომდინარე, საიტზე განთავსებული ინფორმაცია შესაძლოა დროებით არ ასახავდეს სავაჭრო ცენტრში არსებულ ფაქტობრივ მდგომარეობას.

10.3. საიტზე განთავსებული ინფორმაცია შესაბამის სარეალიზაციო ობიექტში დაზუსტებას/გადამოწმებას საჭიროებს. კომპანია არ ერევა მომხმარებელსა და მესამე პირთა (მათ შორის ბრენდი/მაღაზია/სარეალიზაციო ობიექტი) შორის წარმოშობილ დავასა თუ განსახილველი საკითხების გადაწყვეტაში, მათ შორის, სავაჭრო ცენტრში შეძენილი ნივთის ხარისხთან, დაბრუნებასთან, გადაცვლასთან დაკავშირებით.

10.4. კომპანია არ არის პასუხისმგებელი:

ა) მესამე პირების მომსახურებების, მათ შორის სასაჩუქრე და ლოიალური ბარათების შეძენის მომსახურების შეფერხებაზე;

ბ) მომხმარებლის მიერ არასწორი ინფორმაციის მიწოდებით გამოწვეულ შედეგებზე;

გ) მომხმარებლის მიერ საიტის არასათანადო გამოყენებით გამოწვეულ ზიანზე;

დ) AI Chat-ის პასუხებზე დაყრდნობით მომხმარებლის მიერ მიღებულ გადაწყვეტილებებზე;

ე) თუ სავაჭრო ცენტრში წარმოდგენილი მაღაზია, ბრენდი ან სხვა პარტნიორი მომხმარებელს შესთავაზებს საიტზე გამოქვეყნებულისგან განსხვავებულ ფასდაკლებას, აქციის პირობებს, მომსახურებას, ხელმისაწვდომობას ან სხვა კომერციულ პირობებს. ასეთ შემთხვევაში ურთიერთობა რეგულირდება უშუალოდ შესაბამისი მაღაზიის, ბრენდის ან პარტნიორის მიერ დადგენილი პირობებით.

ვ) მომხმარებლის მიერ არასწორი ან შეუსაბამო საკონტაქტო ელექტრონული ფოსტის მისამართის ან სხვა საკომუნიკაციო არხის გამოყენების შედეგად მოთხოვნის არასწორ ადრესატთან გაგზავნის, მისი დაუმუშავებლობის ან პასუხის მიუღებლობისთვის, თუ აღნიშნული გამოწვეულია მომხმარებლის მიერ შერჩეული საკომუნიკაციო არხის შეუსაბამობით და არა კომპანიის მიერ ოფიციალურად გამოქვეყნებული საკონტაქტო ინფორმაციის უზუსტობით ან ტექნიკური გაუმართაობით.

11. მარკეტინგული კომუნიკაცია

11.1. კომპანიამ შესაძლოა მომხმარებელს მიაწოდოს ინფორმაცია სავაჭრო ცენტრის, აქციების, შეთავაზებებისა და სხვა სიახლეების შესახებ მოქმედი კანონმდებლობის შესაბამისად.

11.2. პირდაპირი მარკეტინგული კომუნიკაცია განხორციელდება შესაბამისი სამართლებრივი საფუძვლის არსებობისას.

12. Cookie-ები

12.1. საიტი შესაძლოა იყენებდეს Cookie-ებსა და მსგავს ტექნოლოგიებს საიტის ფუნქციონირების, უსაფრთხოებისა და მომხმარებლის გამოცდილების გაუმჯობესების მიზნით.

12.2. Cookie-ების გამოყენების დეტალური პირობები განისაზღვრება კომპანიის Cookie პოლიტიკით.

13. ტექნიკური უსაფრთხოება

13.1. კომპანია იღებს გონივრულ ტექნიკურ და ორგანიზაციულ ზომებს საიტის უსაფრთხოების უზრუნველსაყოფად.

13.2. მომხმარებელს ეკრძალება ისეთი მოქმედებების განხორციელება, რომელიც საფრთხეს უქმნის საიტის უსაფრთხოებას ან სხვა მომხმარებლების უფლებებს.

14. წესების ცვლილება

14.1. კომპანია უფლებამოსილია ნებისმიერ დროს შეცვალოს ან განაახლოს წინამდებარე წესები.

14.2. განახლებული წესები ძალაში შედის საიტზე გამოქვეყნებისთანავე, თუ თავად დოკუმენტში სხვა რამ არ არის მითითებული.

ბოლო განახლება: